خبر وفاتك.................؟!

[ندعوك للتسجيل في المنتدى أو التعريف بنفسك لمعاينة هذا الرابط]



تخيل ان هذا هو انت..

وتوفاك الله في هذه الايام وفي هذا العام 2010 ...

طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكوووووون عليك بجد..

جاء
بكره الساعه 10 الصبح وجابوك للمغسله والكل جاك وسلم عليك وقبل جبينك..
وانت مغطى كفونك ..بالابيض ..وريحة السدر تفوح في كل مكان..

شالوك
وودوك للمسجد وضعوك قدام الامام وابوك واخوانك واصحابك..تجمعوا كلهم في
بيت الله.. في البيت اللي يناديك خمس مرات في اليوم وانت ولا هنا..


صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند اللي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب


جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا..


وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك
ولاااااااااشي.. جيت ضيف عند اللي يناديك خمس مرات ياعبدي تعال ابيك
..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..



غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان ا للي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت
.. واللي عزك وعلاك وكبرك.. الحنان المنان الرب الرحمن..
ماااااااااااااااااجلست معه جلسه تقول فيهااااا الله اكبر وتبدى بالحديث
معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف إن يقدر سبحانه ان اخر سنه اتنفس فيهاااا..
ارجوك حاسب نفسك
كف أذاك عن من ظلمت
وصل فرضك

وركز بأيميلك كل شي ترسله ينعاد ينرسل

واذا كان فيه اثم يزيد وانت ماتجوفه
رحمة من ربي تغفرلك ذنوبك







بعيد الشر عنكم كلكم

وسلاآآمتكم

لكن فكرو بالكلاآم ..





with all my luv ..

شكرا لك إختي
بارك الله فيك اللهم إجعله في مزان حسناتك
اللهم إجعنا من أهل الجنه ومن أهل الصلح

سلمت أناملك إختي تابعي إبداعاتك
إلى الأمام دائما
تحياتي

الله يجزاك خير اختي وجعلها ربي في موازين حسناك
والله يكثر خيرك ويوفقك في الدنيا والاخرة
ع الموضوع الحلو
ولا تخوفينا من الحين ههههههه
امزح امزح

والله يا جماعة حبيت اذكركم باخرتكم شوي بس
وان الواحد يعمل في دنياه لآخرته
والله يوفقنا جميعا لما يحبه ويرضاه...آآمين
تـــــحياتي